بول ہوا ،،،، اُس پار زمانے کیسے ہیں اُجڑے شہر میں یار پُرانے کیسے ہیں . چاند اُترتا ہے،،، اب کِس کِس آنگن میں؟ کِرنوں سے مِحرُوم ، گھرانے کیسے ہیں . لب بستہ دروازوں پر،،،،، کیا بِیت گئی گلیوں سے منسُوب افسانے کیسے ہیں . زہر اُگلتے سانپوں کی،، پھنکار تلے ویرانوں میں دفن خزانے کیسے ہیں . جن کی چاک قمیضیں تیرے ہاتھ لگیں خاک پہنتے ،،،،، وہ دیوانے کیسے ہیں . جِن کے جُھرمٹ میں شمعیں دَم توڑ گئیں وہ پیارے ،،،،،،،، پاگل پروانے کیسے ہیں؟ . ہم تو خیر خبر سے دَرگُذرے اپنے گھر کے لوگ،، نجانے کیسے ہیں